इटहरी : इन्टरेनेटको माध्यमबाट होटल बुकिङ गर्न सकिने गरि प्राइड हस्पिटालिटी प्रा. लि. ले प्राइड क्लिक्स् वेवसाइट र मोवाईल एप प्रयोगमा ल्याएको छ ।
सुनसरीको इटहरीमा रहेको गोरखा होटलमा एक कार्यक्रमको आयोजना गरी प्राइड हस्पिटालिटी प्रा. लि. ले वेवसाइट र मोवाईल एपको प्रयोग गरी होटल बुक गर्न सकिने सेवा सञ्चालनमा ल्याएको जानकारी दिएको हो ।
होटल बुकिगंका लागि वेवसाइट र मोवाईल एप प्रयोग गर्न सकिने व्यवस्था मिलाएको वताउदै वेवसाइट र एपमा सुचिकृत भएका होटलहरु जहाँसुकैबाट वुक गर्न सकिने प्राइड क्लिक्सका अध्यक्ष नितेश पोखरेलले जानकारी दिए । यस अघि देखि नै वेवसाइटका माध्यमबाट होटलहरु हेरेर वुक गर्न सकिने व्यवस्था मिलाइएकोमा अव चाडै मोवाईल एपबाट पनि गर्न सकिने व्यवस्था मिलाउने समेत पोखरेलले वताए । यस प्रकारका वेवसाइट र एपमा सुचिकृत गर्न विदेशी कम्पनीहरुले होटलसंग निश्चित पैसा लिने गरेको भएपनि प्राइडमा सुचिकृत हुन शुल्क नलाग्ने समेत सो अवसरमा जानकारी गराइयो ।
कोठा बुक गर्नका लागि होटल सम्म पुग्नु पर्ने झण्झट अन्त्य हुने तथा विदेशबाट समेत नेपालका होटलहरु वेवसाइट र एपका माध्यमबाट वुक गर्न सकिने व्यवस्था कम्पनीले मिलाएको वताइयो । प्राइडसंग हाल सम्म ८० वटा होटलहरु सुचिकृत भई सकेको र प्रदेश नम्बर १ मा इटहरीको गोरखा होटल, गरिमा सहित अन्य ठाउँका त्रिवेणी रिसोर्ट, गोकर्ण रिसोर्ट लगायतका होटलहरु रहेको जनाइयो । नेपालका विभिन्न ठाउँका चार सय वढी होटलहरुलाई सुचिकरण गर्ने लक्ष्य राखिएको सो अवसरमा जमुना ढुंगानाले जानकारी दिइन । उनले एपका विषयमा सहजिरण गरेकी थिइन । नेपाल पत्रकार महासंघ सुनसरीका उपाध्यक्ष गणेश निरौलाको प्रमुख आतिथ्यतामा भएको कार्यक्रममा पर्यटन व्यवसायी सुनिल भुषालले होटलहरुका साथै पर्यटकीय क्षेत्रका विषयमा जानकारी लिन सकिने व्यवस्था मिलाए आन्तरिक तथा वाह्य पर्यटकहरुलाई आकर्षित गर्न सकिने वताए । कार्यक्रममा गोरखा डिर्पाटमेन्ट स्टोरका श्री प्रसाद पोखरेल लगायतको सहभागिता रहेको थियो ।
प्रतिक्रिया दिनुहोस
Copyright © 2019 / 2023 - Newpati.com - All rights reserved
