भारतका चर्चित अभिनेता सिद्धार्थ शुक्लाको निधन

चतरा : बिग बोस सिजन १३ का बिजेता तथा भारतका चर्चित अभिनेता सिद्धार्थ शुक्लाको आज निधन भएको छ । ४० वर्षका शुक्लाको हृदयघातका कारण निधन भएको हो ।

आज बिहान उनलाई हृदयघातका कारण मुम्बईको कुपर अस्पताल लगिएको थियो जहाँ चिकित्सकले उनलाई मृत घोषित गरेका थिए ।

२००८ मा "बाबुलका आँगन छुटेना" देखि सानो पर्दामा डेब्यु गरेका उनले २०१४ मा "हम्पटी शर्मा कि दुल्हनिया" बाट बलिउड प्रवेश गरेका थिए । बिग बोस सिजन १३ मा विजेता बनेपछि निकै चर्चामा आएका उनले साबधान ईन्डिया र ईन्डियाज् गट ट्यालेन्ट जस्ता शो पनि होस्ट गरेका थिए ।