आयल निगमले ग्यासको आपूर्ति सहज बनाउन रिटेल काउन्टर खोल्न दियो निर्देशन

काठमाडौं । आयल निगमले ग्यासको आपूर्ति सहज बनाउन रिटेल काउन्टर खोल्न निर्देशन दिएको छ। निगम र ग्यास उद्योग संघबीच शनिबार भएको छलफलमा उद्योगीलाई रिटेल काउन्टर खोलेर ग्यास बिक्री गर्न निर्देशन दिएको हो। ‘आपत परेका ग्राहकले रिटेलबाट पनि खरिद गर्न सक्छन,’ निगमका कार्यकारी निर्देशक पौडेलले भने, ‘यो निर्णय आजदेखि नै लागू हुन्छ।’

संघले पनि विज्ञप्ति मार्फत् काठमाडौंका विभिन्‍न विक्रेता मार्फत ग्यास बिक्री गर्ने जनाएको छ। विज्ञप्तीमा आइतबारदेखि नै २२ ग्यास ब्राण्डले २२ ठाउँमा रिटेल काउन्टर खोलेर बिक्री गर्ने उल्लेख छ।